Транскапитал, МББСБХ 100 сая төгрөгийг УОК-т хандивлав.

Монголын банк бус санхүүгийн байгууллагуудын холбоо нь коронавирусын халдвараас урьдчилан сэргийлэх, эрсдэлийг бууруулах үйл ажиллагаанд зориулж 100 сая төгрөгийн хандивыг Улсын онцгой комисст хандивлалаа.

Тус хандивын аянд холбооны гишүүн Транскапитал болон 61 банк бус санхүүгийн байгууллагууд нэгдсэн байна.

Мөн коронавирусын халдвар (COVID-19)-с урьдчилан сэргийлэх, эрсдэлийг бууруулах зорилгоор Засгийн газраас тогтоосон өндөржүүлсэн бэлэн байдлын зэрэгт хэсэгчилсэн байдлаар шилжүүлсэн хугацаанд санхүүгийн хэрэглэгчийн эрх ашгийг хамгаалах, бичил жижиг бизнес эрхлэгч иргэдийг дэмжих зорилгоор зээл олгосны шимтгэлийг 0% болгох, хүүг бууруулах боломжийг эрэлхийлж хэрэгжүүлэх, харилцагч, зээлдэгчийг өрийн дарамтанд оруулахгүй байх зэрэг уриалгуудыг МББСБХ гишүүн байгууллагууддаа гарган ажиллаж байгаагаа илэрхийллээ.