​​Харилцагчийг танин мэдэх үйл ажиллагаа:

Монгол улсын хууль болон холбогдох журмуудад заасны дагуу ББСБ нь иргэн, хуулийн этгээдтэй бизнесийн харилцаа үүсгэх, санхүүгийн үйлчилгээ үзүүлэхээс өмнө дараах баримт бичгүүдийг нягтлан шалгах үүрэгтэй байдаг. Энэ нь харилцагч танд тохирсон санхүүгийн үйлчилгээ үзүүлэх, таныг санхүүгийн гэмт хэрэг болон аливаа хууль бус үйл ажиллагаанд өртөх эрсдэлээс хамгаалах зорилготой хэрэгжүүлдэг үйл ажиллагаа билээ.

Харилцагч нь иргэн бол доорх мэдээллийг хүлээн авч, шалгадаг.

• Хүчин төгөлдөр иргэний үнэмлэх эсхүл гадаад паспорт;
• Гадаад улсын иргэн бол гадаад паспорт, хүчин төгөлдөр Монгол улсад оршин суух үнэмлэх;
• Оршин суугаа хаяг болон холбоо барих утас, и-мэйл хаяг;
• Ажил эрхлэлт бизнесийн мэдээлэл, хөрөнгө орлогын эх үүсвэр;
• бусад мэдээлэл.

Харилцагч нь хуулийн этгээд бол доорх мэдээллийг хүлээн авч, шалгадаг.

• Хуулийн этгээдийн улсын бүртгэлийн гэрчилгээ болон дүрэм;
• Хувьцаа эзэмшигч болон гүйцэтгэх удирдлагын талаарх мэдээлэл;
• Дансны хөрөнгийг захиран зарцуулж буй этгээд нь гадаад улсын иргэн бол хүчин төгөлдөр Монгол улсад оршин суух үнэмлэх;
• Эцсийн өмчлөгчийн талаарх мэдээлэл болон харилцагчийн өмчлөл, хяналт зохион байгуулалтын бүтцийг таньж мэдэхтэй холбоотой мэдээлэл(Байгууллагын хувьцааг өөр нэг байгууллага эзэмшиж байгаа тохиолдолд тухайн эзэмшигч байгууллагын дүрэм, хувьцаа эзэмшигчийн мэдээлэл);
• Бизнес үйл ажиллагааны чиглэл болон зээл авч буй зорилго;
• Хуулийн этгээдийн төрлөөс шалтгаалсан нэмэлт мэдээлэл;
• бусад мэдээлэл.