Транскапитал нь “Байгууллагын ёс зүйн дүрэм”-н хүрээнд дараах зарчмыг баримтладаг. Үүнд:

1. Хууль дээдлэх

Монгол улсын хууль тогтоомж, зохицуулагч байгууллагын журам, гэрээний дагуу үүргээ сахин биелүүлж, хуулийн хүрээнд шударга ёс зүйтэй үйл ажиллагаа явуулна.

2. Байгаль орчин, нийгэмд ээлтэй байх

Байгаль орчин, нийгэмд ээлтэй үйл ажиллагааг эрхэмлэн, холбогдох хууль, журмыг хэрэгжүүлнэ.

1. Хүний эрх, эрх тэгш шударга байдал

• Цалин хөлсийг эрх тэгш, шударга тогтоох
• Ажилтанд эрүүл, аюулгүй ажиллах орчинг бүрдүүлэх
• Ажил үүргийг оновчтой хуваарилах, ажил ба амьдралын тэнцвэрийг эрхэмлэх
• Ажилтны сурч боловсрох, хөгжин дэвших боломжийг хангах
• Хувийн мэдээллийн нууцлалыг хамгаалах
• Ажлын байрны дарамт, бэлгийн дарамт, авлига, залилангийн үйлдэлийг үл тэвчих

4. Шударга байдлыг чандлан баримтлах

• Үйл ажиллагааг шударга, ил тод, нээлттэй явуулах
• Аливаа зар сурталчилгаа нь хуулийн дагуу үнэн зөв, ойлгомжтой байх
• Улс төрийн нам, хөдөлгөөнд дэмжлэг үзүүлэхгүй байх
• Ёс зүйгээр үлгэрлэн манлайлах
• Шударга, мэргэжлийн ёс зүйтэй багийг бүрдүүлэх
• Хууль, тогтоомж, хүний эрх, нийтийн эрх ашгийг дээдлэх.

5. Үнэн зөв, бодитой тайлагнах

Зохицуулагч байгууллага, хамтран ажиллагч, олон нийтэд түгээгддэг тайлан, мэдээллийг холбогдох хууль, журмын дагуу цаг хугацаанд нь үнэн зөв, бодитой тайлагнана.

Транскапитал ББСБ нь авлига, хээл хахууль, залилангийн эрсдэлээс урьдчилан сэргийлэх үйл ажиллагааг байгууллагын дотоод дүрэм журмаар зохицуулан хэрэгжүүлдэг.

Бид ил тод, шударга үйл ажиллагааг эрхэмлэн, холбогдох хууль тогтоомж болон ёс зүйн хэм хэмжээг чанд мөрдөж, аливаа зөрчил, эрсдэлийг бууруулахад чиглэсэн дотоод дүрэм, журмын дагуу үйл ажиллагаагаа явуулдаг.

Авлигыг үл тэвчих 

1. Ажилтан нь бусад ажилтан, харилцагч, ханган нийлүүлэгч, хамтын ажиллагааны байгууллагагаас аливаа хэлбэрээр бэлэг, үнэ бүхий зүйл авах/өгөхийг хүлээн зөвшөөрөхгүй.
2. Ажилтан, албан тушаалтан хууль, журам, тушаал зөрчиж, эрх мэдлээ хэтрүүлэн, албан тушаалаа урвуулан ашиглан үндэслэлгүй, бодит бус шийдвэр гаргахыг хүлээн зөвшөөрөхгүй.
3. Албан тушаалтан албан үүргээ гүйцэтгэхтэй холбогдуулан харилцагч, ажилтан, хамтын ажиллагааны байгууллага, ажилтнаас үнэ бүхий зүйл, үйлчилгээ, бусад санхүүгийн туслалцааг авах, хүсэх, шаардахыг хүлээн зөвшөөрөхгүй.
4. Албан тушаалтан нь өөрийн болон өөртэй нь хамаарал бүхий этгээдийн хувийн ашиг сонирхолд нийцүүлэн өөрийн албан тушаалын байдлаа ашиглан аливаа хэлбэрээр хөндлөнгөөс нөлөөлөхийг хүлээн зөвшөөрөхгүй.

Авлига хээл хахууль, залилангаас урьдчилан сэргийлэх 

1. Ажилтан, албан тушаалтан ашиг сонирхлын зөрчилд орж болох нөхцөл байдлыг мэдэгдэх, шүгэл үлээх, түүнээс татгалзах замаар урьдчилан сэргийлнэ.
2.  Авлига, хээл хахууль, залилантай холбоотой гэж үзсэн тохиолдолд бизнесийн харилцаа үүсгэхгүй.
3. Авлига, хээл хахууль, залилангаас урьдчилан сэргийлэх шаардлагатай бүхий л арга хэмжээг авч хууль дүрэм журмыг сахин мөрдөн ажилладаг.

Авлига хээл хахууль, залилантай тэмцэх 

1. Авлига, хээл хахууль залилангаас ангид байх, шударга, хууль дээдлэх ёс зүйг  эрхэмлэх,
2. Ажилтан, олон нийтийн Авлигын эсрэг мэдлэг боловсролыг дээшлүүлэх, авлига хээл хахууль, залилангийн хор аюулыг таниулах,
3. Авлигын аливаа зөрчлийг мэдээлдэг байх, шүгэл үлээгчийн эрхийг хамгаалах, зөрчлийг үнэн зөв, хараат бус, шударга шийдвэрлэх;